Likery słušeja hižo přez lětstotk k swójbje Kremser. Nic jako wobchodny model, ale jako pasija, jako eksperiment a jako stajne pytanje za nowymi kombinacijemi. Recepty su so z ruku zapisowali a dale podawali, wuspytali, zaćisnuli a znowa namakali. Kóžda generacija je je trochu dale wuwiwała. W lěće 2018 smy rozsudźili, dać tutej dołhej stawiznje nowy wobłuk. Wot toho časa nastawaja w Zhorjelcu zaso likery, kotrež tradiciju žiwu dźerža.

Naše sydło je městno ze stawiznami. Bywše piwnicy fabriki za złote a slěborne twory Hermann Drechsler słužachu pozdźišo jako přewoblěkarńje statneho zawoda VEB Schmuck- und Silberwaren, kotremuž Zhorjelčenjo „Schmusi“ prajachu. Někdy so tu slěbro a złoto blišćaštej, dźensa so tu likerowe bleše blišća. Jenož material je so změnił. Ambicija je wostała.

Dźěłamy rjemjeslnisce, w małych mnóstwach, z přisadami, kotrež po móžnosći z bliskosće wobstarujemy: worjechi z Friedersdorfa, sadźowy sok z Rothenburga a jałorc ze Zhorjelskeje hole. Někotre přisady su pak tež jara eksotiske a ćežko wobstarajomne. W industriji spirituosow so tajke přisady lědma hišće wužiwaja. Barbidła a kumštne aromy njetrjebamy. Spušćamy so na sćerpliwosć, nazhonjenje a słód.

Naše likery su něhdźe mjez konditoriju a parfumeriju doma. Su aromatiske, jasne a wjacore w słodźe. A zrědka su to, štož sej pod likerom předstajamy. Snadź je to přičina, čehodla je tak wjele ludźi pije, kotřiž hewak likery rady nimaja. Zo z tym cyle wopak njeležimy, pokaza lěto 2024: Na London Spirits Competition buštej hnydom dwě našej družinje ze slěbrom wuznamjenjenej. Za nas to njebě trofeja, ale znamjo, zo so swědomitosć a swójska puć wupłaćetej.

Zo so słód rozumi, tež hdyž njekřiči. A zo móže mała likerowa fabrika ze Zhorjelca na cyłym swěće kedźbnosć zbudźić, bjeztoho zo by so přestajowała. Mjeztym rosće kołowokoło Kremser Liköre kruh přećelow: ludźi, kotřiž so nad drobnostkami wjesela. Kotřiž radšo pomału požiwaja hač spěšnje zabudu. Kotřiž wjace hač jenož słódkosć pytaja a za nowe wotewrjeni su.

Naše likery su za wšěch, kotřiž swójskosć za cnotu maja, spokój za postoj a słód za formu kultury.

Přetož na kóncu dźe přeco wo samsne. Wo to, štož wostanje. Wo to, štož postoj ma. Wo to, čehož nježelimy.

Přetož módra ći njepřisteji.
Pij z rozumom.
Wol demokratisce.